छोड्नुस यो सब कुराहरु
आउनुस् एक्छिन हल्ला गरौं
यो शहर कसरी तताउने
यो कुराको सल्लाह गरौं
रुख ढालौं
कार्बन बालौं
मानवतालाई
समुन्द्रमा फालौं
बिचार अलि मन्ध गरौं
कुराण र गीताको द्वन्द गरौं
एक अर्काको दिमाग चाटौं
युरेनियमसँग जीवन साटौं
म जहाज उडाउछु तपाई बम खसाउनुस्
म शहर जलाउछु तपाई भात बसाल्नुस्
किताब पुस्तक बालीदिनुस्
आँखा कान टालिदिनुस्
चित्र पत्र जलाई दिनुस्
सक्नुहुन्न ?सलाई दिनुस्
के के छ तपाई राख्नु
बाकी सब मलाई दिनुस
आउनुस्
एक्छिन हल्ला गरौं
शहर तताउने सल्लाह गरौं