म अक्षरहरु खोजिरहें
म शब्दहरु रोजिरहें
म वाक्य सङ्ग डराइरहें
म भावहरु मा हराइरहें
मैले युद्ध गरें शब्दकोषहरु सङ्ग
म जुधीरहेँ जाँंगर जोशहरु सङ्ग
मैले पढ्न खोजे उपन्यास कथाहरु
मैले सुन्न खोजे दु:ख अनि व्यथाहरु
मैले घुम्ने कुर्सीमा चक्कर लगाएँ
मैले भित्ताहरु मा ठक्कर लगाएँ
म काजको पाना कोरिरहें
म भोक निन्द्रा छोडिरहेँ
तर
खबर भएपनी
रहर भएपनी
मैले देख्न सकिन
अनि लेख्न सकिन
एउटा नयाँ कविता
तेसैले त हेरि बसिरहेछु
अल्छि पनको कारण
टाल्न नसकेको
छानो बाट चुहिएको
पानीका थोपाहरु
जो मलाई
पट्क पट्क
टपक टपक
गरेर
जिस्काहिरहेछन