प्रेममा समाएको हातले हो की?
छुट्ने लागेको साथले हो कि?
समाजमा क्रान्तिले ल्याउन पो हो की ?
जगतमा शान्तिले ल्याउन पो हो की ?
कत्तिले दुख खोजे होला
कत्तिले दुख रोजे होला
कसैले खुसी अनि हर्षमा लेखे होला
जन्मदिन अनि नयाँ वर्षमा लेखे होला
खै यसरि नै
कथाहरू देखेर
कविता लेखेर
पो
भए मानिसहरु कवि ?
तर म कविता लेखेर कवि भएको हैन
मैले त आजसम्म कविता लेख्न जानेको छैन
म त यस्तो कवि हो जसलाई कथाले देख्ने गर्छन्
म त यस्तो कवि हो जसलाई कविताले लेख्ने गर्छन्
मेरो रचना सपना अनि ख्वावले गरेका हुन्
मेरो रचना शब्द अनि भावले गरेका हुन्
खै म त अलमल्ल छू
म लेखेर कवि भए
या कवि भएर लेखे
त्यसैले त मलाई अचम्म लाग्छ
खै कसरी पो भए मानिसहरु कवि