आउनुस् एउटा घर लुटौँ।
यसरी लुटौँ कि
न धोति बाँकी होस्
न टोपी बाँकी होस्
लाज मर्ने गरी लुटौँ
खुलेआम दिनको
घाममा लुटौं
सर्वसो सत्यनाश
हुने गरी लुटौँ
सब लुटेर
निकै जाडो छ
भन्दै
त्यो घर आगो लाइदिउँ
आफू तापौँ
उसलाई पनि तापाउँ
त्यही खरानीले
ईटा बनाउँछु
अनि
त्यही इटाको
महल बनाइदिन्छु भनेर
आश्वासन दिउँ।
गल्ती तेरै हो
घर किन बनाइस् त
भनेर गाली गरम
मलाई घर भित्राउने त्यही त होस् नि
यही कुरा बारम्बार सुनौँ
आउनुस् हामी मिलाउँ
एउटा घर लुटौं